Awọn alaṣẹwo Eko naa n binu si SARS, wọn ni wọn n baṣẹ awọn jẹ

Aderounmu Kazeem

Bi awọn ọmọ orilẹ-ede yii kaakiri awọn ipinlẹ ṣe n fẹhonu han wi pe awọn ko fẹ ẹṣọ SARS mọ, awọn alaṣẹwo naa ti bọ sita loni-in, wọn lawọn naa korira wọn gidi.

Nibi iwọde kan to waye lagbegbe kan l’Ekoo ni awọn alaṣẹwo yii ti darapọ mọ awọn to n kigbe kiri wi pe, ijọba Buhari gbọdọ ko awọn ẹṣọ agbofinro to n gbogun ti iwa ọdaran atawọn iwa ibajẹ mi-in kuro nilẹ. Wọn sọ pe, niṣe ni wọn n faye ni ọmọ Naijiria lara, paapaa awọn ọdọ.

Awọn oniṣẹ nọbi yii sọ pe, ohun buruku lo maa jẹ ti ko ba si ọdọ kankan to n ṣiṣe yahoo mọ, iyẹn awọn ọdọlangba ti wọn n fi ẹrọ ayarabiiaṣa, intanẹẹti, lu awọn  eeyan ni jibiti, paapaa awọn ara oke-okun.

Wọn  ni awọn ọmọ Yahoo yii gan-an lo maa n sanwo gidi fawọn, ati pe bi awọn SARS ṣe maa n ko idaamu ba wọn yii, bii ẹni ba iṣẹ je fawọn ni, nitori kositọma daadaa ni awọn eeyan ọhun n ṣe.

Irukiru ọbẹ awọ, ọna ti iwọde SARS tun gba yọ lowurọ kutu oni niyẹn o.

 

About Alaroye

Journalist, Press man and News Researcher of the federal Republic of Nigeria

Check Also

Nitori obinrin, Danladi gun ọrẹ rẹ pa l’Ode-Aye

Oluṣẹyẹ Iyiade, Akurẹ Ọkunrin ẹni ọdun mejilelogun kan, Money Danladi, ni wọn ti fẹsun kan …

Leave a Reply

//ugroocuw.net/4/4998019
%d bloggers like this: