Oluṣẹyẹ Iyiade, Akurẹ
Ọgọọrọ awọn eeyan ni wọn jade niluu Ọgbẹsẹ, n’ijọba ibilẹ Ariwa Akurẹ, laaarọ ọjọ Ẹti, Furaidee, ọsẹ ọjọ kẹrinlelogun, oṣu Kẹta ta a wa yii lati fẹhonu han lori ọrọ ijinigbe to n waye lemọlemọ lagbegbe naa
Awọn olufẹhonu han ọhun ni wọn di oju ọna marosẹ Akurẹ-Ọwọ-Benin, to gba ilu Ọgbẹsẹ kọja, fun bii wakati mẹrin gbako, ti ko si si ọkọ tabi awọn arinrin-ajo to raaye kọja laarin asiko ti ifẹhonu naa fi waye.
Wọn ni inu awọn araalu ọhun ko dun rara lori bawọn agbebọn ṣe n fi igba gbogbo ji awọn eeyan wọn gbe, ti ko si sẹni to laya lati lọ sibi iṣẹ oojọ wọn mọ nitori ibẹru.
Wọn ni awọn n ṣe iwọde alaafia naa ki ijọba le gbe igbesẹ to yẹ lori iṣẹlẹ ọhun, nitori ọkan awọn eeyan ko bakẹ mọ latari ọsẹ buruku ti awọn ọdaju naa n ṣe.
Awọn ṣọja la gbọ pe wọn pada tu awọn olufẹhonu ọhun ka lẹyin-o-rẹyìn tawọn eeyan fi raaye kọja.