Ijọba apapọ ṣi ẹnubode mẹrin, o ni kawọn yooku ṣi wa ni titi

Faith Adebola, Eko

Aarẹ Muhammadu Buhari ti fọwọ si i l’Ọjọruu, Wẹsidee, ọṣẹ yii, niluu Abuja pe ki wọn ṣi awọn ẹnubode ilẹ wa mẹrin, lati faaye gba ajọṣe okoowo ati ọrọ-aje laarin orileede Naijiria atawọn orileede ti ẹnubode naa kan.

Awọn ẹnubode to paṣẹ pe ki wọn ṣi lẹyẹ-o-sọka ọhun ni ẹnubode Sẹmẹ, lapa Guusu/Iwọ-Oorun, ẹnubode Ilela ati Maitagiri, lagbegbe Ariwa/Iwọ-Oorun Naijiria, ati ẹnubode Mfun, lapa Guusu orileede yii.

 

Buhari ni awọn ẹnubode yooku yoo ṣi wa ni titi, bo tilẹ jẹ pe o ṣee ṣe kawọn naa di ṣiṣi laipẹ, o ni eyi da lori bi eto aabo ati ọrọ-aje ba ṣe n lọ si latari awọn mẹrin ti wọn si yii.

Tẹ o ba gbagbe, latinu oṣu kẹwaa, ọdun to kọja, lawọn ẹnubode ori ilẹ kaakiri orileede yii ti wa ni pipade, ti ijọba si wọgi le anfaani okoowo ati ka-ra-ka-ta to maa n waye lawọn ẹnubode wọnyi. Ijọba ni iwa fayawọ ounjẹ bii irẹsi ati tọki, pẹlu awọn nnkan ija ogun tawọn eeyan n ko wọlu lati ẹnubode wọnyi lo jẹ ki wọn paṣẹ naa, bo tilẹ jẹ pe eyi ti mu inira pupọ wa fawọn araalu.

About Alaroye

Journalist, Press man and News Researcher of the federal Republic of Nigeria

Check Also

Mr Macaroni rọ awọn ọmọ Naijiria lati dan ẹgbẹ oṣelu mi-in wo yatọ si APC ati PDP

Monisọla Saka ‘‘Ko le si ayipada rere kan bayii fun Naijiria, ta a ba ti …

Leave a Reply

//thaudray.com/4/4998019
%d bloggers like this: