Emi o ni arun Korona o, irọ lawọn to sọ bẹẹ n pa- Bọla Tinubu

Jide Alabi

Bi awuyewuye ti gba igboro kan pe Aṣiwaju Bọla Ahmed Tinubu ti ko arun Koronafairọọsi, tawọn eeyan si n gbe e kiri ni Oluranlọwọ ẹ nipa eto iroyin, Tunde Rahman, ti bọ sita bayii lati sọ pe iroyin irọ lasan ni.

Ninu iroyin ọhun ti wọn n pin kiri ni wọn ti sọ pe orilẹ-ede France ni aisan ọhun de e mọlẹ si, ṣugbọn oluranlọwọ ẹ ti sọ pe ko ri bẹẹ rara, ilu London lo wa, ati pe aisan kankan ko ṣe e, ọkunrin oṣelu naa kan lọọ gba atẹgun nibẹ ni.

Tunde Rahman fi kun ọrọ ẹ pe o ti fẹẹ to igba mẹẹẹdogun ti Bọla Tinubu ti ṣayẹwo arun Koronafairọọsi yii, ṣugbọn ti ko si lara ẹ rara.

O ni, “Ni gbogbo igba ti Aṣiwaju Bọla Tinubu ba ti ri i pe oun ti ṣepade tabi wa laarin awọn eeyan to pọ lo maa n saaba ṣayẹwo ọhun, bo tilẹ jẹ pe ki i fi ibomu ẹ silẹ nigba kan.

“Ju gbogbo ẹ lọ, arun Koronafairọọsi ko kọ lu Bọla Tinubu o, awọn to n wi bẹẹ, iroyin ẹlẹjẹ ni wọn n gbe kiri. Bẹẹ ni ko si ni France, bi wọn ṣe n gbe e ka, ilu London ni baba wa, nibi to ti n gba atẹgun alaafia sara, ko sohun kan bayii to ṣe wọn.”

About Alaroye

Journalist, Press man and News Researcher of the federal Republic of Nigeria

Check Also

Oṣere tiata yii pariwo: Ẹ gba mi o, latọjọ ti mo ti ṣojọọbi mi ni itẹkuu lawọn oku ti n yọ mi lẹnu

Monisọla Saka Kayeefi! Inu iboji larakunrin yii ti ṣe ọjọ ibi ẹ. Oṣerekunrin ilẹ Ghana …

Leave a Reply

//dooloust.net/4/4998019
%d bloggers like this: