Ẹnikẹni tọwọ ba tẹ pe o fipa baayan lo pọ l’Ekoo yoo dara ẹ lẹbi – Sanwo-Olu

 Jide Alabi

Gomina ipinlẹ Eko, Babajide Sanwo-Olu, ti fidi ẹ mulẹ pe ẹnikẹni tọwọ ba tẹ pe o fipa baayan lo pọ, ijọba oun yoo fija nla jẹ ẹ labẹ ofin.

Ọjọbọ, Tọsidee, ọsẹ yii, ni gomina sọrọ ọhun nigba ti wọn fun un labọ iṣẹ iwadii igbimọ ti iyawo ẹ, Dokita Ibijọkẹ Sanwo-Olu, gbe kalẹ lati wa ọna abayọ si iwa ifipa-banilopọ, lilo ọmọde nilokulo ati ṣiṣe-obinrin-niṣekuṣe.

Lasiko ọhun ni Gomina Sanwo-Olu sọ pe ijọba oun ko ni i fọwọ kekere mu iru iwa ọdaran bẹẹ, ati pe ẹni ti wọn  ba ti mu l’Ekoo pe o fipa baayan sun, iru ẹni bẹẹ yoo dara ẹ lẹbi nla.

O ni, “Ohun idunnu ni abajade iṣẹ ti igbimọ yii ṣe. Igbagbọ mi ni pe iru igbesẹ yii gan-an ni yoo fun awọn eeyan lanfaani lati jade sọ tẹnu wọn, ti iru isẹlẹ bẹẹ ba ṣẹlẹ si wọn.

“Enikẹni tọwọ ba tẹ, niṣe la maa fimu iru wọn danrin. O ṣe diẹ ti ọfiisi iyawo gomina l’Ekoo ti gbe igbimọ ọhun kalẹ lati wa ọna abayọ si bi iru awon iwa buruku bẹẹ yoo ṣe dinku tabi dopin lawujọ.”

About Alaroye

Journalist, Press man and News Researcher of the federal Republic of Nigeria

Check Also

Lanlọọdu ati getimaanu pa ọmọọdun mẹrin, wọn yọ ẹya ara ẹ lati fi ṣoogun owo

Faith Adebọla Diẹ lo ku kawọn araalu tinu n bi dana sun baba getimaanu kan …

Leave a Reply

//thaudray.com/4/4998019
%d bloggers like this: