Gomina Kwara pa ipo awọn kọmiṣanna marun-un da

Stephen Ajagbe, Ilọrin

Lọjọ Ẹti, Furaidee, ọsẹ yii, ni Gomina ipinlẹ Kwara, Abdulrahman Abdulrazaq, pa ipo awọn kọmiṣanna rẹ kan da, to gbe wọn lọ si ileeṣẹ mi-in lati maa ba iṣẹ wọn lọ.

Ninu atẹjade kan ti Akọwe iroyin rẹ, Rafiu Ajakaye, gbe sita lo ti ni awọn tọrọ kan ni; Kọmiṣana feto ibanisọrọ, Ọlanrewaju Muritala ati akẹgbẹ rẹ to n mojuto eto ọgbin ati idagbasoke igberiko, Harriet Adenikẹ Afọlabi Ọshatimẹhin, paarọ ipo.

Kọmiṣanna to n mojuto ọrọ ayika tẹlẹ, Aliyu Mohammed Saifudeen, ti lọ si ileeṣẹ ijọba to n mojuto oye jijẹ ati idagbasoke ilu. Hajia Aisha Ahman-Pategi to n sakoso awọn ijọba ibilẹ ati idagbasoke igberiko ni wọn gbe sileeṣẹ to n mojuto akanṣe iṣẹ (Special Duties).

Kọmiṣana fun akanṣe iṣẹ, Funkẹ Juliana Oyedun, maa pada sileeṣẹ ijọba to n mojuto ọrọ ayika.

Gomina Abdulrahman tun lo anfaani ikede naa lati dupẹ lọwọ ileeṣẹ BUA Group, fun ẹbun awọn ọkọ agbokuu-gbalaisan mẹta ti wọn fun wọn. Eyi waye lẹyin tileeṣẹ yii kan naa ti gbe miliọnu ọgọrun-un kan Naira fun ijọba lati gbogun ti arun Koronafairọọsi.

O tun dupẹ lọwọ gbogbo eeyan, to fi mọ awọn ileeṣẹ nla nla ti wọn ti gbe owo ati ẹbun kalẹ lati koju arun naa.

About admin

Check Also

Tori pe wọn yinbọn paayan meji, afurasi ọmọ ẹgbẹ okunkun meje dero ahamọ l’Abẹokuta

Gbenga Amos, Abẹokuta Lati ọjọ Iṣẹgun, Tusidee, ọjọ kẹrinlelogun, oṣu Karun-un yii, lawọn gende mẹrin …

Leave a Reply

//zikroarg.com/4/4998019
%d bloggers like this: