Igboho ti sọrọ o: Awọn ṣọja ati SS lo waa paayan ninu ile mi, wọn tun ji miliọnu meji lọ

Faith Adebọla

Ajijagbara ọmọ Yoruba nni, Oloye Sunday Adeyẹmọ ti gbogbo eeyan mọ si Igboho, ti sọrọ o, ọkunrin naa ti ṣalaye awọn eeyan to waa ka a mọle ati bi iṣẹlẹ naa ṣe ṣẹlẹ.

Nigba to n ba ileeṣẹ iweeroyin BBC Pidgin sọrọ lori foonu lo ti ṣalaye pe ni nnkan bii aago aago kan aabọ oru ni oun bẹrẹ si i gbọ iro ibọn ninu ọgba ile oun, ti wọn bẹrẹ si i pariwo pe ‘Sunday Igboho, jade wa, ṣọja ni wa, SS ni wa’ Mo waa yọju loju windo, mo ri wọn ti wọ n wọ aṣọ ṣọja ati ti SS, o ya mi lẹnu gidi nigba ti mo ri wọn pe ki lo le ṣẹlẹ, mi o paayan, mi o si baayan ja, ohun ti mo n ṣe ni lati ja fun awọn eeyan mi, gbogbo awọn iwọde ti mo n ṣe, iwọde alaafia ni. Mo n ja fun awọn eeyan mi nitori awọn Fulani n pa wọn, wọn n fipa ba wọn lo pọ wọn, si n gbowo lọwọ wọn. Mo si ri i pe ijọba ko ṣe ohun to yẹ ko ṣe lori eleyii.

Eeyan meji ni wọn pa ni nnkan bii aago meji oru nigba ti wọn n yinbọn. Gbogbo dukia mi ni wọn bajẹ, wọn ba ọkọ mi jẹ, bẹẹ ni wọn ko miliọnu meji ti mo ko sinu durọọ ninu ile mi.

Leave a Reply

%d bloggers like this: