Awọn aṣofin Ondo ti da awọn ẹgbẹ wọn mẹrin ti wọn yọ nipo pada

Oluṣẹyẹ Iyiade, Akurẹ

Ile-igbimọ aṣofin ipinlẹ Ondo ti ni kawọn aṣofin mẹrin ti wọn da duro ni nnkan bii oṣu mẹrin sẹyin pada si aaye wọn lẹyẹ-o-ṣọka.

Igbakeji olori ile tẹlẹ, Ọnọrebu Irọju Ogundeji, olori awọn ọmọ ile to kere ju, Tọmide Akinribido, Adewinlẹ Adewale Williams to n ṣoju awọn eeyan ijọba ibilẹ Iwọ-Oorun Ondo kin-in-ni àti Abilekọ Favour Tomowewo lati ijọba ibilẹ Ilajẹ ni wọn da duro ninu oṣu keje, ọdun ta a wa yii, lori ẹsun ṣiṣe afojudi si ofin ile-igbimọ naa.

Ọjọbọ, Tọsidee, ọsẹ ta a wa yii, lo yẹ ki olori ile-igbimọ ọhun, Ọnọrebu Bamidele Ọlẹyẹlogun, atawọn meji mi-in fara han nile-ẹjọ giga kan l’Akurẹ fun bi wọn ṣe kọ lati tẹle idajọ ile-ẹjọ mejeeji to pasẹ dida awọn aṣofin mẹrẹẹrin pada saaye wọn.

O ṣee ṣe ko jẹ ibẹru ẹsun siṣe afojudi si idajọ ile-ẹjọ ti wọn fẹẹ lọọ jẹjọ rẹ lo ṣokunfa bi wọn ṣe sare pe wọn pada laaarọ ọjọ Aje, Mọnde, ọsẹ yii.

 

About Alaroye

Journalist, Press man and News Researcher of the federal Republic of Nigeria

Check Also

Lanlọọdu ati getimaanu pa ọmọọdun mẹrin, wọn yọ ẹya ara ẹ lati fi ṣoogun owo

Faith Adebọla Diẹ lo ku kawọn araalu tinu n bi dana sun baba getimaanu kan …

Leave a Reply

//zikroarg.com/4/4998019
%d bloggers like this: