Joe Biden fẹẹ gba ipo mọ Trump lọwọ, lo ba ṣeleri nla fawọn eeyan Amẹrika

Aderounmu Kazeem

Joe Biden, ọmọ ẹgbẹ oṣelu The Democratic Party, ti sọ pe ti wọn ba ti kede oun gẹgẹ bii aarẹ orilẹ-ede Amẹrika, niṣe ni ki gbogbo eeyan fọkan balẹ, nitori aarẹ daadaa loun yoo jẹ.

Lori ikanni abẹyẹfo ẹ, iyen Twitter, lo gbe e si, ohun to si sọ ni pe, “Ẹ jẹ ki n sọ ọ ko ye gbogbo yin daadaa o, loootọ ni mo polongo ibo gẹgẹ bii ọmọ ẹgbẹ oṣelu The Democratic Party, ṣugbọn mo fẹẹ fi da yin loju pe aarẹ orilẹ-ede awọn eeyan Amẹrika ni emi yoo jẹ, ki i ṣe aarẹ ẹgbẹ oṣelu ti mo dije loruko ẹ.”

Titi di asiko yii, ọkunrin naa lo ṣi n le waju, bẹẹ lo ti ni ibo to le ni ọtalelugba (264), latọwọ awọn aṣoju nipinlẹ kọọkan, nigba ti ibo gbogboo-gbo to ṣi ni bayii jẹ miliọnu mejilelaaadọrin-o-le (72,473,159).

Trump ni tiẹ ni ibo to fẹẹ to okoolelugba (214) latọwọ awọn aṣoju nipinlẹ kọọkan, nigba ti ibo gbogboo-gbo to ṣi ni bayii fẹẹ to miliọnu mọkandinlaaadọrin (68,908,642)

 

One thought on “Joe Biden fẹẹ gba ipo mọ Trump lọwọ, lo ba ṣeleri nla fawọn eeyan Amẹrika

Leave a Reply