Kọmisanna Akeredolu mi-in tun ti darapọ mọ ẹgbẹ ZLP l’Ondo

Oluṣẹyẹ Iyiade, Akurẹ

 Kọmisanna ileeṣẹ to n ri sọrọ epo rọbi nipinlẹ Ondo (OSOPADEC), Oloye Adeleke Adebisi Ilawọle, la gbọ pe o tun ti pada lẹyin ọga rẹ, Gomina Rotimi Akeredolu, pẹlu bo ṣe kọwe fipo silẹ l’Ọjọruu, Wẹsidee, ọsẹ ta a wa yii.

Ninu iwe to kọ, ọkunrin to wa lati ijọba ibilẹ Ilajẹ ọhun kọkọ dupẹ lọwọ gomina fun anfaani to fun un lati le ṣiṣẹ sin awọn eeyan ipinlẹ Ondo.

O ni oun lo asiko ọhun lati fi sọ fun Arakunrin pe oun ti kọwe fipo silẹ gẹgẹ bii kọmisanna to n ṣoju awọn eeyan ijọba ibilẹ Ilajẹ nileesẹ to n mojuto epo rọbi nipinlẹ Ondo.

Inu ẹgbẹ ZLP ni wọn ni Oloye yii gba lọ bo ṣe kuro ninu iṣejọba to n tukọ ipinlẹ Ondo lọwọ.

Bi lẹta yii ṣe tẹ Akeredolu lọwọ loun naa ti yara kede Ọgbẹni Gbenga Oluyide Mekuleyi gẹgẹ bii kọmisanna ajọ OSOPADEC tuntun.

About Alaroye

Journalist, Press man and News Researcher of the federal Republic of Nigeria

Check Also

Wọn ti tu Oriyọmi Hamzat silẹ lahaamọ

Iroyin to tẹ ALAROYE lọwọ ni pe awọn ọlọpaa ti tu Oludasilẹ Redio Agidigbo, Oriyọmi …

Leave a Reply

//unbeedrillom.com/4/4998019
%d bloggers like this: