Nitori bo ṣe pa ero inu kẹkẹ Maruwa mẹta, awọn ọdọ dana sun tirela Kan n’Ilọrin

Stephen Ajagbe, Ilorin

 

Ero inu kẹkẹ Maruwa mẹta lo pade iku ojiji lọjọ Abamẹta, Satide, opin ọsẹ yii, nigba ti tirela kan lọọ kọ lu wọn lagbegbe Oke-Oyi, niluu Ilọrin.

ALAROYE gbọ pe ṣe lawọn ọdọ kan ya bo tirela naa, ti wọn si kana lu u to jona gburugburu.

Gẹgẹ bi alaye tawọn tiṣẹlẹ naa ṣoju wọn se, dẹrẹba to wa kẹkẹ Maruwa naa ṣadeede ya wọnu ile-epo bẹntiroolu lati ra epo, lai mọ pe ọkọ tirela naa n ba ere buruku bọ.

Wọn ni ki onikẹkẹ naa too mọ ohun to n ṣẹlẹ, tirela ọhun ti kan wọn lara tan, ṣe lo run wọn mọnu kẹkẹ naa ko too di pe o raaye duro.

Lawọn ọdọ ba ya bo awakọ tirela naa, wọn si lu u lalubami titi tẹjẹ fi bẹ jade lara rẹ. Ọpẹlọpẹ awọn ọlọpaa to tete de sibi iṣẹlẹ naa lati gba a silẹ ni ko jẹ ki wọn gbẹmi rẹ.

Awọn ọdọ to n binu naa ko duro lori jijo tirela naa nikan, ṣe ni wọn tun bẹrẹ si i kọ lu ọkọ akẹru ti wọn ba ti ri nikọja.

 

Leave a Reply