Ọ ma ṣe o! Latinu ṣọọsi lobinrin kan ti jade l’Oṣogbo, ni mọto ba pa a lalẹ aisun ọdun tuntun

Florence BabaṣọlaObinrin kan ti ko ti i le ju ẹni ọdun marunlelogoji lọ la gbọ pe mọto kan to n sare asapajude da ẹmi rẹ legbodo laago mẹsan-an alẹ ana, Tọsidee niluu Oṣogbo.
Obinrin yii, ẹni ti wọn n pe ni Arabinrin Agboọla ni wọn lo ti kọkọ de inu ṣọọsi wọn, Cherubim and Seraphim, Ayọ ni o, to wa nikọja odo Gbodofọn loju-ọna Ogo-Oluwa niluu Oṣogbo, ko si sẹni to mọ nnkan to fẹẹ mu nita to fi jade.
Bo ṣe bọ sojuu titi ni mọto naa gba a gidigidi, dẹrẹba yẹn ko si duro, bẹẹ ni ko sẹni to roju-raaye le mọto rẹ lasiko ti wọn n ṣaajo oloogbe naa.
Gẹgẹ bi ẹnikan tiṣẹlẹ naa ṣoju rẹ ṣe sọ, oju-ẹsẹ lobinrin naa ku, awọn ajọ ẹṣọ ojuupopo atawọn ọlọpaa ni wọn wa sibẹ lati palẹ oku rẹ mọ lọ sile igbokupamọsi.

About Alaroye

Journalist, Press man and News Researcher of the federal Republic of Nigeria

Check Also

Wọn ti tu Oriyọmi Hamzat silẹ lahaamọ

Iroyin to tẹ ALAROYE lọwọ ni pe awọn ọlọpaa ti tu Oludasilẹ Redio Agidigbo, Oriyọmi …

Leave a Reply

//thaudray.com/4/4998019
%d bloggers like this: