Ọlọpaa atawọn ọmọọta kọju ija sira wọn n’Ibadan, eeyan mẹta lo ku

Ọlawale Ajao, Ibadan

O kere tan, eeyan mẹta lo ti gbemi-in mi nibi akọlu awọn ọlọpaa atawọn ọmọọta to waye niluu Ibadan lọjọ Iṣẹgun, Tusidee, ọsẹ ta a wa yii.

ALAROYE gbọ pe niṣe ni awọn ọlọpaa ṣina ibọn fun awọn ọdọ ti wọn n ṣe iwọde SARS, eyi ni wọn lo bi awọn ọmọọta to wa nitosi ninu ti wọn fi kọju ija si wọn.

Ki awọn eeyan si too mọ ohun to n ṣẹlẹ, awọn tọọgi yii ti fibinu kọ lu teṣan ọlọpaa to wa ni Ọjọọ, niluu Ibadan, n ni wahala nla ba ṣẹlẹ.

Bii mẹfa ninu awọn to n ṣe iwọde yii lo fara pa yanna yanna, bẹẹ ni eeyan mẹta ku.

Leave a Reply

%d bloggers like this: