Oluyinka Soyemi
Lalẹ ọjọ Iṣẹgun, Tusidee, ọsẹ yii, ni ẹgbẹ agbabọọlu Super Eagles ilẹ wa iba yege fun idije ilẹ Afrika ọdun 2022 ti yoo waye nilẹ Cameroon, ṣugbọn ami-ayo odo si odo ti wọn gba pẹlu Sierra Leone ti ba nnkan jẹ.
Bo tilẹ jẹ pe awa la wa loke tabili Isọri L pẹlu ami mẹjọ, gbagbaagba ni Benin Republic tẹlẹ wa pẹlu ami meje, bẹẹ to ba jẹ pe a jawe olubori lalẹ yii, oke tente la ba duro si.
Ọjọ mẹrin sẹyin ni Naijiria gba ami-ayo mẹrin si mẹrin pẹlu Sierra Leone kan naa ni papa iṣere Samuel Ogbemudia, niluu Benin, nipinlẹ Edo, ifẹsẹwọnsẹ toni gan-an lo si yẹ ka fi ṣe irapada, ṣugbọn ọrọ pada bẹyin yọ.
Ni bayii, Eagles yoo ni lati na Benin Republic loṣu kẹta, ọdun to n bọ, ti idije kuọlifaya yii yoo tun waye, lẹyin ẹ ni Lesotho yoo tun gbomi ija kana pẹlu wa, a si tun gbọdọ gbiyanju ninu ifẹsẹwọnsẹ naa.