Wọn ti ju Oluṣọla Alọ sẹwọn gbere l’Akure, ọmọ ẹ lo fipa ba lo pọ

Jide Alabi
Ile-ẹjọ gíga kan niluu Àkúrẹ́ ti ni ki wọn lọọ ju ọkunrin kan, Alọ Oluṣọla, ṣewọn gbere lori ẹsun pe o fipa ba ọmọ ẹ lo pọ.
Adajọ Samuel Bọla lo paṣẹ yii lẹyin ti wọn ti ro ẹjọ ọhun niwaju ẹ pe latigba ti ọmọ naa ti wa lọmọ ọdun mẹwaa ni baba ẹ ti n fipa ba a sun.
ALAROYE gbọ pe ọmọ yii ko ju ọmọ oṣu mẹfa lọ ti iya ẹ ti binu gbe e ju silẹ, to sì ba tiẹ lọ.
Ileewe awọn ọmọ yii laṣiiri ọrọ ọhun ti tu nigba ti ọmọ naa sọ pe o pẹ ti ẹnìkan ti n fipa ba oun lo pọ.
O ni baba oun gan-an lẹni ti oun n sọ, ati pe oun ko ju ọmọ ọdun mẹwaa lọ to ti n ki oun mọlẹ.
Ọmọ yii ni ti oun ba ti beere owo lọwọ baba oun, yala owo ileewe tabi awọn owo pẹẹpẹẹpẹ mi-in toun fẹẹ fi tọju ara oun, kinni ẹ lo maa n sare fa yọ soun, ti baba oun yoo sì fipa ba oun sun.
Ọga ileewe ti ọmọ yii n lọ lo fọrọ ọhun to awọn ọlọpaa leti, loju ẹsẹ ni wọn si ti gbe e lọ s’ile-ẹjọ lori ẹsun onikoko kan, bẹẹ loun paapaa ti sọ pe oun ko jẹbi.
Ni bayii, Adajọ Bọla Samuel ti sọ ọ ṣewọn gbere nitori ti ọkunrin naa ko ni ẹri kankan lati fi gbe ọrọ ẹ lẹsẹ pe oun kò jẹbi ẹsun ti wọn fi kan an.

About Alaroye

Journalist, Press man and News Researcher of the federal Republic of Nigeria

Check Also

Pasitọ Chibuzor fun awọn obi Deborah ni ile fulaati mẹrinla atawọn ẹbun mi-in

Monisọla Saka O da bii pe iku Deborah, ọmọbinrin ti awọn awọn kan juko pa, …

Leave a Reply

//ashoupsu.com/4/4998019
%d bloggers like this: