Wọn tun ti kọlu ibomi-in ti wọn ko ounjẹ pamo si l’Ekoo

Aderounmu Kazeem

Lẹyin wakati bii meloo kan tawọn ọdọ ya bo ibi ti ijọba ko awọn ounjẹ iranwọ si lagbegbe Mazamaza l’Ekoo, wọn ni wọn tun ti ya bo ibomi-in bayii o.

Agbegbe kan to n jẹ Agric ni Ọjọ lojuna Eko si Badagry ni wọn sọ pe awọn eeyan kan tun ya lọ bayii, nibi ti wọn ti lọọ n ko ounjẹ, ti ijọba ko pamọ lati fi ran awọn araalu lọwọ lasiko isemọle ajakalẹ arun koronafairọọsi.

Kẹtikẹti ni wọn n ko oriṣiiriiṣi ounjẹ bii gaari, indomie, suga, iyọ, ẹwa atawọn ounjẹ mi-in loriiṣiriiṣi, tawọn ti ko gbọ nipa e tẹlẹ paapaa n sare lọọ ko tiwọn.

 

Leave a Reply