Ife-ẹyẹ idije Afrika poora ni Egypt

Oluyinka Soyemi

Ife-ẹyẹ ilẹ Afrika to wa lọwọ Egypt ti poora kuro ni olu-ile ajọ ere bọọlu ilẹ Afrika to wa ni Cairo, nilẹ Egypt.

Ṣe ni iroyin naa deede gba ilu kan lonii pe wọn ji ife-eyẹ naa, ṣugbọn Magdi Abdelghani to jẹ ọmọ igbimọ ajọ CAF sọ pe ọdun 2013 lo jona nigba ti ijamba ina kan ṣẹlẹ ni olu-ile ajọ naa.

Igbakeji Aarẹ ajọ ere bọọlu Egypt tẹlẹ, Ahmed Shobeir, ti kọkọ kede pe lasiko tawọn fẹẹ kọ ibudo ti gbogbo ife-ẹyẹ Egypt yoo wa lawọn kọkọ mọ pe kọọpu naa ti poora, ati pe lati igba naa lawọn ti n ṣewadii.

Nigba kan ni wọn sọ pe Ahmed Hassan to jẹ balogun ikọ agbabọọlu ilẹ naa lo gbe e sile, ọkunrin naa si ni oun ti da a pada, bẹẹ ni wọn tun darukọ awọn mi-in, ṣugbọn awọn yẹn pariwo pe ko si lọwọ awọn.

Tẹ o ba gbagbe, ilẹ Egypt lo gba ife-ẹyẹ ilẹ Afrika ju, igba meje ni wọn si ṣoriire naa, bẹrẹ lati ọdun 1957. Nigba ti wọn gba a leralera lọdun 2006, 2008 ati 2010 ni wọn gbe kọọpu ọhun le wọn lọwọ patapata.

About admin

Check Also

Nitori to ni oun yoo fopin si eto aabo ni Borno ati Yobe, PDP Ekiti sọrọ si Fayẹmi

Taofeek Surdiq, Ado-Ekiti Ẹgbẹ PDPipinlẹ Ekiti ti yẹgẹ ẹnu si gomina ipinlẹ Ekiti, Dokita Kayọde …

Leave a Reply

//thaudray.com/4/4998019
%d bloggers like this: