Iyawo Buhari ti de lati Dubai, o ni diẹ lo ku ki ẹronpileeni awọn ja bọ

Iyawo Aarẹ orilẹ-ede yii, Aisha Buhari, ti de lati ilẹ Dubai to lọ o. Ọsẹ bii mẹta sẹyin ni wọn gbe obinrin naa lọ si Dubai, ti wọn ni ọrun buruku kan n dun un. Oriṣiriṣi awuyewuye lo tun jade sita lẹyin to lọ tan, nitori awọn kan fidi ẹ mule pe ki i se pe ara rẹ ko ya, o lọ si Dubai lati lọọ ra nnkan iyawo fun ọmọ rẹ ni.

Ṣugbọn lanaa ode yii, nigba ti obinrin naa de, o ni loootọ ni ara oun ko ya, itọju naa loun si ba lọ si Dubai. O dupẹ lọwọ gbogbo ọmọ Naijiria ti wọn gbadura foun nigba ti oun ko si nile yii, o si gba awọn dokita ti wọn ni ọsibitu nimọran pe ki wọn tun ọsibitu wọn ṣe bii ti igbalode, ti awọn eeyan ko fi ni i maa lọ siluu oyinbo fun itọju mọ.

Aisha ni nigba it awọn n bọ, Ọlọrun lo yọ awọn o, nitori diẹ lo ku ki ẹronpileeni awọn ja bọ. O ni niṣe ni atẹgun lile naa de loju ọrun, to si n fi ẹronpileeni awọn logbologbo, ṣugbọn awọn ọmọ ogun ofurufu ilẹ wa ti wọn wa ẹronmpileeni naa lo gbogbo ọgbọn ati agbara wọn lati ri i pe awọn ko ja bọ, ti wọn si gbe ọkọ ofurufu naa jade ninu iji buruku to ko si. O ni oun dupẹ lọwọ wọn o, nitori bi ko si tiwọn ni, eyi ti a n wi yii kọ la ba maa wi o.

About Alaroye

Journalist, Press man and News Researcher of the federal Republic of Nigeria

Check Also

Lẹyin ọdun mẹta ti tẹnanti tilẹkun ile pa, adajọ ni ki lanlọọdu lọọ ja a n’Ilọrin

Ibrahim Alagunmu, Ilọrin L’Ọjọbọ, Tọsidee, ọsẹ yii, ni ile-ẹjọ Majisreeti kan niluu Ilọrin paṣẹ ki …

Leave a Reply

//zeechumy.com/4/4998019
%d bloggers like this: