Olori ileegbimọ aṣofin agba ni ki Buhari yọ awọn ọga ologun nipo

Olori ile-igbimọ aṣofin agba, Ahmed Lawan, ti ke si Aarẹ Muhammadu Buhari lati yọ awọn olori ẹṣọ ologun ni kiakia, ko si fi awọn mi-in rọpo wọn, nitori bi eto aabo ṣe ri lorilẹ-ede Naijiria bayii.

Bi awọn janduku afẹmi-ṣofo ṣe pa awọn agbẹ mẹtalelogoji nipinlẹ Borno lo mu olori awọn aṣọfin ke si Buhari lati tete gbe igbesẹ ọhun.

O ni ki Buhari gbiyanju lati ṣatunto si eto aabo orilẹ-ede yii, ki eto aabo to peye le wa fun awọn eeyan Naijiria ati dukia wọn.

Lawan sọ pe, “Mo fẹẹ fi asiko yii ke si Aarẹ orilẹ-ede Naijiria ko paarọ awọn lọgaa-lọgaa lẹnu iṣẹ ologun, ko si fi awọn mi-in rọpo wọn, ati pe pupọ ninu awọn ti wọn jẹ ọga yii paapaa ni wọn ti pẹ ju bo ṣe yẹ lọ, bẹẹ lo yẹ ki a ni awọn mi-in ti wọn yoo fi oye gidi ṣiṣẹ sin Naijiria, paapaa lori eto aabo.

“Asiko niyi fun Aarẹ lati ṣeto bi atunṣe ati atunto yoo ṣe ba eto aabo orilẹ-ede yii, bakan naa ni ijọba tun gbọdọ pese awọn irinṣẹ to yẹ lati fi koju awọn janduku a-fẹmi-ṣofo to n da Naijiria atawọn eeyan ẹ laamu.”

Siwaju si i, Lawan ti rọ ịjọba apapọ ko gbe igbimọ kan kalẹ ti yoo ṣewadii lori ẹsun oriṣiriiṣi ti wọn fi n kan awọn to wa nidii eto aabo lori iwa ajẹbanu.

 

About Alaroye

Journalist, Press man and News Researcher of the federal Republic of Nigeria

Check Also

Awọn ọlọpaa bẹrẹ iwadii lori tiṣa to na ọmọleewe to fi ku l’Ekoo

Faith Adebọla, Eko Afaimọ ni tiṣa ti wọn porukọ rẹ ni Ọgbẹni Stephen yii ko …

Leave a Reply

//ashoupsu.com/4/4998019
%d bloggers like this: