Ọwọ tẹ Ọlamide atawọn ọrẹ ẹ, oni POS ni wọn lu ni jibiti n’llọrin

Ibrahim Alagunmu, Ilọrin

Ileeṣẹ ọlọpaa, ẹka ti ipinlẹ Kwara, ti mu awọn afurasi mẹta kan, Ọlamide Boluwatifẹ, Abbdusalam Abubakar ati Ọlayẹmi Ismail, ti wọn n lu awọn oni POS ni jibiti niluu Ilọrin ati Ọffa, nipa pipaarọ POS wọn pẹlu ayederu.

Agbẹnusọ ileeeṣẹ ọlọpaa, Ọgbẹni Ọkasanmi Ajayi, sọ pe lasiko ti awọn ẹsọ alaabo n yide kiri lagbegbe Budokọ Baruten, to wa ni Agric, niluu Ilọrin, ni ọwọ tẹ awọn adigunjale mẹta yii nibi ti wọn ti tun fẹẹ lu oni POS miiran ni jibiti.
O tẹsiwaju pe iwadii fidi ẹ mulẹ pe awọn afurasi naa ti parọ ẹrọ POS to n lọ si bii mẹtalelọgbọn ninu iluu Ilọrin ati Ọffa nikan, ti wọn si ti yọ owo to to miliọnu kan ati ẹgbẹrun lọna ẹẹdẹgbẹrin Naira (#1.7miilion), lakoto awọn oni POS ti wọn parọ naa.
Awọn afurasi naa jẹwọ pe loootọ lawọn maa n lu awọn oni POS ni jibiti, ati pe ti ẹnikan ba ti fẹẹ gbowo, ẹni keji yoo maa ta ọgbọn ti yoo fi paarọ ẹrọ ti ẹni naa n lo, wọn aa fi ayederu rọpo rẹ, ti wọn aa si lọọ gba gbogbo owo to n bẹ ninu POS ọhun
Ileeeṣẹ ọlọpaa ti rọ awọn olowo POS ki wọn maa wa ni oju lalakan fi n sọri nigba gbogbo tori awọn onijibiti, bakan naa lo fi gbogbo awọn olugbe Kwara lọkan balẹ pe ileeṣẹ naa ko ni i kaaarẹ ọkan lati maa pese aabo to peye fun wọn.

About Alaroye

Journalist, Press man and News Researcher of the federal Republic of Nigeria

Check Also

Adajọ agba ilẹ wa, Tanko Muhammad ti kọwe fipo silẹ

Adewumi Adegoke Adajọ agba ile-ẹjọ to ga ju lọ nilẹ wa, Onidaajọ Ibrahim Tanko Muhammad, …

Leave a Reply

//lephaush.net/4/4998019
%d bloggers like this: