ṢEYIN NAA TI GBỌ IKILỌ TI BỌLA TINUBU ṢE FUN ỌBA ONIRU TUNTUN

Aderounmu Kazeem

Bi ilu Iru nipinlẹ Eko ṣe n dun yungba, ti gbogbo eeyan n dunnu, bi ọba ilu naa, Ọba Abdulwasiu Ọmọgbọlahan Lawal ṣe ṣayẹyẹ igbade ẹ lana-an, Aṣiwaju Bọla Tinubu ti ki i nilọ wi pe, afi ki o ko awọn eeyan ilu ẹ mọra, ki o baa le ṣaṣeyọri lori ipo ọhun.

Lara awọn eeyan nla to wa nibẹ lọjọ naa ni, Aṣiwaju Bọla Ahmed Tinubu, Dokita Kadiri Ọbafẹmi Hamzat ti i ṣe igbakeji gomina ipinlẹ Eko, Ọọni Ile Ifẹ atawọn eeyan pataki mi-in.

Ninu ọrọ Bọla Tinubu lo ti ṣapejuwe kabiyesi naa gẹgẹ bii ọlọpọlọ pipe, ti oun si ri gẹgẹ bi ọmọ.

O ni, asiko niyi fawọn eeyan ilu naa lati gbaruku ti ẹni ti Ọlọrun yan fun wọn, ki ọba naa paapaa si fọgbọn ati iwa irẹlẹ ba awọn eeyan ẹ lo, ki o le ṣe aṣeyọri nla.

Ninu ọrọ Dọkita Hamzat, o rọ ọba alaye naa lati fọwọsowọ pọ pẹlu ijọba, ki o si tubọ mu irẹpọ gidi wa laarin awọn eeyan ilu ẹ.

Bakan naa lo ṣapejuwe Ọba Ọmọgbọlahan yii gẹgẹ bi oloye kikun, eyi to ti n fi eyi han bayii laarin oṣu mẹta pere to gori ipo ọhun.

Ninu ọrọ Kabiyesi Ọmọgbọlahan Lawal, ẹni ti i ṣe ọba kẹẹdogun to jẹ niluu Iru l’Ekoo yii, o dupẹ lọwọ Aṣiwaju Tinubu, ijọba  ipinlẹ Eko atawọn ladelade to wa, bẹẹ lo ṣeleri pe asiko toun yii, igbega nla ati ilọsiwaju gidi ni yoo ba ilu Iru.

 

About Alaroye

Journalist, Press man and News Researcher of the federal Republic of Nigeria

Check Also

Lẹyin ọdun mẹta ti tẹnanti tilẹkun ile pa, adajọ ni ki lanlọọdu lọọ ja a n’Ilọrin

Ibrahim Alagunmu, Ilọrin L’Ọjọbọ, Tọsidee, ọsẹ yii, ni ile-ẹjọ Majisreeti kan niluu Ilọrin paṣẹ ki …

Leave a Reply

//dooloust.net/4/4998019
%d bloggers like this: