Oluṣẹyẹ Iyiade Akurẹ
Awọn ọlọpaa meji ni wọn ku, ti awọn mẹjọ si tun fara pa yannayanna ninu ijamba ọkọ to waye l’Akurẹ laaarọ ọjọ Isẹgun, Tusidee, ọsẹ yii.
Ijamba ọkọ yii lo ṣẹlẹ niwaju ile-itura kan ti wọn n pe ni Joe Jane, loju ọna Ọba-Ile, niluu Akurẹ.
Gẹgẹ ba a ṣe gbọ, ọkọ tawọn ọlọpaa bii mejila ọhun wa ninu rẹ lo takiti takiti leralera lẹyin ti ọkan ninu awọn taya rẹ fọ lori ere loju ọna alabala mẹfa naa. Ere asapajude ti wọn n sa ni wọn lo fa iṣẹlẹ naa.
Loju ẹsẹ ni meji ti ku ninu wọn, ti awọn mẹjọ mi-in si tun farapa. 
Wọn ti ko oku awọn to ku sinu ijamba ọkọ naa lọ si mọsuari ile-iwosan ijọba to wa l’Akurẹ, ile-iwosan awọn ọlọpaa to wa lagbegbe Alagbaka ni wọn ko awọn to fara pa lọ fun itọju.