A ko fi kun owo ileewe kankan ni Kwara – kawu

 Stephen Ajagbe, Ilọrin

Bi awọn akẹkọọ kaakiri ipinlẹ Kwara ṣe n pada sẹnu ẹkọ wọn lọjọ Aje, Mọnde, ọsẹ yii, ijọba ti ta ko ahesọ kan to n tan kiri lori afikun owo ileewe, wọn si ti ṣekilọ fawọn alaṣẹ ileewe ijọba lati ma fi kun owo tawọn akẹkọọ n san.

Kọmiṣanna feto ẹkọ lawọn ileewe giga ni Kwara, Hajia Sa’adatu Modibbo Kawu, lo sọrọ ọhun nibi ipade ati idanilẹkọọ nipa ilana lati dena atankalẹ arun Covid-19 to ṣe pẹlu awọn tọrọ kan lẹka eto ẹkọ, eyi to waye lọsẹ to kọja niluu Ilọrin.

Atẹjade kan latọwọ Akọwe iroyin rẹ, Adamu Mohammed Saidu, ṣalaye pe ijọba ko ni i gba ileewe giga kankan laaye lati maa gba owo to ba ju agbara awọn obi lọ lọwọ awọn akẹkọọ.

Kọmiṣanna ọhun to ta ko ahesọ to n kaakiri pe ijọba ti fi kun owo igbaniwọle (Acceptance fee) ni KWASU to wa niluu Malete, o sọ pe ko sohun to jọ bẹẹ rara.

O rọ araalu, paapaa awọn akẹkọọ ati obi, lati ma gba ọrọ naa gbọ, o ni ahesọ lasan ni.

O gba awọn akẹkọọ atawọn olukọ nimọran lati maa tẹle gbogbo ilana tijọba atawọn oṣiṣẹ eto ilera ti la kalẹ lati gbogun ti arun korona kaakiri inu ọgba ileewe wọn.

About Alaroye

Journalist, Press man and News Researcher of the federal Republic of Nigeria

Check Also

Igbẹjọ Timothy Adegoke: Adedoyin ṣepe fawọn oniroyin ni kootu

Florence Babaṣọla, Oṣogbo Iyalẹnu lo jẹ fawọn oniroyin laaarọ Ọjọruu, Wẹsidee, yii, nigba ti Dokita …

Leave a Reply

//dooloust.net/4/4998019
%d bloggers like this: