Aadọta miliọnu lawọn ajinigbe fẹẹ gba lori ọmọ mẹta ti wọn ji gbe l’Ondo

Bii aadọta miliọnu naira lawọn ajinigbe ti wọn ji awọn ọmọ mẹta kan gbe l’Ondo n beere fun bayii.

Laarin ilu kan ti wọn n pe ni Owo si Ifọn, nijọba ibilẹ Ọsẹ, ni wọn ti ji awọn ọmọ ọhun gbe pẹlu awọn iya wọn, atawọn eeyan marun un mi-in lopin ọsẹ to kọja.

Ilu kan ti wọn n pe ni lmoru, ni wọn sọ pe wọn n lọ fun ayẹyẹ pataki kan.

Bakan naa la gbọ pe wọn tun ti ji awọn eeyan marun-un kan ti wọn n lọ si Eko jẹẹjẹ wọn gbe laarin ilu kan to n jẹ Ago Asabia, ṣaaju Elegbeka, lojuna Benin si Akurẹ.

ALAROYE gbọ pe nibi ti ọkunrin awakọ kan ti n gbiyanju lati sa mọ wọn lọwọ ni wọn ti yinbọn fun un, to si ku lojuẹsẹ.

Ohun tawọn eeyan agbegbe naa n sọ ni pe latigba ti awọn ẹlẹwọn kan ti raaye sa lọgba ẹwọn ni wahala ijinigbe ti pọ ju lagbegbe ọhun.

Agbẹnusọ ileeṣẹ ọlọpaa ipinlẹ Ondo, Tee-Leo Ikoro, sọ pe oun ko ti i gbọ nipa iṣẹlẹ ọhun, bẹẹ lawọn eeyan agbegbe naa ko ti i fọrọ ọhun to ileeṣẹ ọlọpaa leti paapaa.

Tẹ o ba gbagbe, lasiko wahala rogbodiyan SARS lawọn ẹlẹwọn kan raaye sa lọgba ẹwọn, latigba naa lawọn eeyan agbegbe ọhun ti sọ pe gbogbo igba ni wọn n ji eeyan gbe nibẹ

 

About Alaroye

Journalist, Press man and News Researcher of the federal Republic of Nigeria

Check Also

Nitori to ni oun yoo fopin si eto aabo ni Borno ati Yobe, PDP Ekiti sọrọ si Fayẹmi

Taofeek Surdiq, Ado-Ekiti Ẹgbẹ PDPipinlẹ Ekiti ti yẹgẹ ẹnu si gomina ipinlẹ Ekiti, Dokita Kayọde …

Leave a Reply

//dooloust.net/4/4998019
%d bloggers like this: