Eeyan meji ku lojiji l’Abule-Ẹgba, mọto to n ko ọti kiri lo pa wọn

Aderohunmu Kazeem

Titi di asiko yii ni ileeṣẹ to n mojuto iṣẹlẹ pajawiri l’Ekoo ṣi n wa mọlẹbi awọn ọkunrin meji kan ti ẹmi wọn bọ nibi ijanba mọto to ṣẹlẹ lagbegbe Abule-Ẹgba, nipinlẹ Eko.

Mọto tirela nla kan to ko ọti lo nijanba pẹlu awọn mọto mẹta mi-in ni bọsitọọbu Al-Maruf, lagbegbe Abule-Ẹgba, eyi to mu awọn eeyan meji yii padanu ẹmi wọn lojuẹsẹ.

Olufẹmi Oke-Ọsanyintolu to jẹ ọga agba ajọ to n ri si iṣẹlẹ pajawiri sọ pe loootọ niṣẹlẹ ọhun waye, ati pe awọn ti gbe oku wọn lọ si mọṣuari. Bakan naa lo sọ pe lojuẹsẹ nileeṣẹ to n mojuto iṣẹlẹ pajawiri ti wa ojuutu si sun-kẹrẹ-fakẹrẹ, tiṣẹlẹ ọhun ko ba da silẹ.

Mọto akẹru to fa ijanba yii, igo ọti ni wọn sọ pe o kun inu ẹ bamu, ati pe lojiji ti ẹru ori ẹ rọ danu lo fa ijanba naa, ti mọto mẹta mi-in si faragba ninu iṣẹlẹ ọhun, ti ẹmi eeyan meji paapaa tun lọ si i.

About Alaroye

Journalist, Press man and News Researcher of the federal Republic of Nigeria

Check Also

Lanlọọdu ati getimaanu pa ọmọọdun mẹrin, wọn yọ ẹya ara ẹ lati fi ṣoogun owo

Faith Adebọla Diẹ lo ku kawọn araalu tinu n bi dana sun baba getimaanu kan …

Leave a Reply

//zikroarg.com/4/4998019
%d bloggers like this: