Ẹrọ idibo to le ni ẹgbẹrun marun-un lo bajẹ nibi ina to jo l’Ondo- INEC

Iyiade Oluṣẹyẹ, Akurẹ

Kọmiṣanna to wa fun eto iroyin ati ilanilọyẹ nipa idibo ti ajọ eleto idibo ilẹ wa, (INEC), Festus Okoye ti ṣalaye pe ẹrọ idibo ti wọn n pe ni card reader to le ni ẹgbẹrun-un marun-un (5100) lo jona gburugburu nibi ijamba ina to ṣẹlẹ nileeṣẹ ajọ naa niluu Akurẹ, nipinlẹ Ondo ni alẹ Ọjọbọ, Tọsidee, ọsẹ yii.

Lasiko to n ba awọn oniroyin sọrọ lori iṣẹlẹ naa lo ṣalaye pe ẹka ileeṣẹ naa to wa fun iroyin ati ibaraẹnisọrọ ni ina naa jo.

ALAROYE gbọ pe ko ti i sẹni to le fidi ohun to ṣokunfa ina to bẹrẹ ni nnkan bii aago mẹsan-an ku diẹ naa mulẹ. Ọpọlọpọ nnkan ni ina naa bajẹ ninu  ọọfiisi to wọ, ẹrọ idibo to le ni ẹgbẹrun marun-un lo si fara gba a.

Ọjọ kẹwaa, oṣu kẹwaa, ni eto idibo gomina yoo waye nipinlẹ Ondo.

About Alaroye

Journalist, Press man and News Researcher of the federal Republic of Nigeria

Check Also

Lẹyin ọdun mẹta ti tẹnanti tilẹkun ile pa, adajọ ni ki lanlọọdu lọọ ja a n’Ilọrin

Ibrahim Alagunmu, Ilọrin L’Ọjọbọ, Tọsidee, ọsẹ yii, ni ile-ẹjọ Majisreeti kan niluu Ilọrin paṣẹ ki …

Leave a Reply

//zikroarg.com/4/4998019
%d bloggers like this: