Orẹoluwa Adedeji
Iroyin to tẹ ALAROYE lọwọ ni pe wọn ti ṣiṣẹ abẹ ẹsẹ ti wọn fẹẹ ṣe fun Igbakeji Aarẹ ilẹ wa, Ọjọgbọn Yẹmi Ọṣinbajo, iṣẹ abẹ naa si kẹsẹ jari. Bo tilẹ jẹ pe ọkunrin naa ṣi wa nileewosan, Oludari agba Duchess International Hospital, ti iṣẹ abẹ naa ti waye niluu Eko, Dokita Dosunmu-Ogunjọbi, sọ pe iṣẹ abẹ naa kẹsẹ jari. O ṣeleri pe wọn yoo da Ọṣinbajo silẹ lọsibitu laipẹ.
Bakan naa ni Oludamọran Igbakeji Aarẹ lori eto iroyin, Laolu Akande, fidi rẹ mulẹ pe iṣẹ abẹ naa ti waye. O ni ọsibitu kan ti wọn n pe ni Duchess International Hospital, to wa niluu Eko, ni wọn ti ṣe e fun un.